Norges mest kjende desginar er Peter Opsvik, industridesignar og jazzmusikar, mest kjend for barnestolen Tripp Trapp, kontorstolen Capisco og for sitt fokus på ergonomi og bevegeligheit i produkta sine, som til dømes i Balans-stolane.
Peter Opsvik f. 25.03.39 er industridesignar og jazzmusikar, mest kjend for barnestolen Tripp Trapp, kontorstolen Capisco og for sitt fokus på ergonomi og bevegelegheit i produkta sine, som til dømes i Balans-stolane.
Opsvik arbeider og med grafikk, bilete og objekt. Han debuterte på Vestlandsutstillingen i 1966 og Statens Haustutstilling i 1967.
Peter kjem frå Stranda og er son av møbelfabrikant Nils Opsvik (1897-1979) og Anne Ringstad (1900-1985). Gift 1967 med rådgjevar hjå Riksantikvaren Kari Vartdal (29.07.1942-), dotter av fiskebåtredar Karl Vartdal (1900-1964) og Signe Sætre (1903-1987)
Utdanning
Peter Opsvik utdanna seg ved Kunst -og designhøgskulen i Bergen frå 1959 til 1963, og ved Kunsthøgskulen i Oslo frå 1963 til 1964. I åra 1965-1970 var han tilknytt Tandberg Radiofabrikk som designar. I 1970 studerte Opsvik ergonomi hos Ulirich Burandt ved Volkvangschule für Gestaltung i Essen. Det same året etablerte han eige teiknekontor i Oslo. Året etter fekk han Møbelprodusentenes Landsforenings eittårige etterutdanningsstipend for møbeldesignarar og interiørarkitektar.
Tripp Trapp
Tripp Trapp - den første stolen som løfta barn i ulik storleik opp til dei vaksne sitt bord. Peter Opsvik vart i 1972 inspirert av sin då to år gamle son Tor som satt ved kjøkkenbordet utan å nå opp til bordflata. Dette resulterte i designikonet Tripp Trapp. Tripp Trapp vart presentert på ei messe i 1972, men det var liten interesse i bransjen. Då NRK TV seinare laga eit program om møbelindustrien på Sunnmøre fekk forbrukarane sjå Tripp Trapp-stolen. Det førte til stor etterspurnad, først i Norge og etter kvart internasjonalt. I 2016 passerte Tripp Trapp 10 millionar selde eksemplar. Stolen har blitt kjøpt inn av fleire museer, mellom anna Museum of Modern Art i New York.
Rørsle
Opsvik har særleg fokus på sitting og forholdet mellom kropp og stol. Han meiner vi ikkje er skapt for å sitte stille og at vi må utfordre dette gjennom møblar som inspirera til rørsle. Dette synast i has sitjemøblar, som er designa med særleg fokus på rørsle og mogelegheit til å skifte sittestilling. Hans mål er å skape møblar som skal bevege menneske både fysisk og emosjonelt. Når dei ulike ergonomiekspertane framheva sin "riktige sittestilling" var Opsviks kommentar at de alle hadde rett; alle dei tilrådde sittestillingane var gode, men at ein måtte variere mellom dei. Stolen Balans Variable frå stokke AS var ein av dei første produkta som presenterte variasjon av stilling som eit viktig kriterium.
Samarbeid med Stokke og Håg
Peter Opsvik har alltid hatt eit tett samarbeid med produsentane Stokke Fabrikker og Håg (Flokk). For Håg har han primært utvikla kontorstolar. Ein av dei første, Capisco, med sete forma som ein ridesal, er beslekta med Balans-konseptet. Den avanserte Credo med "flytande vipp", som første gang blei lansert i 1982, kom i ny utgåve 10 år seinare. Omtrent like lang tid tok det frå prototyp til endeleg løysing for kontorstolen H05 frå 2000, kanskje det mest omfattande utviklingsprosjektet i norsk møbelindustri nokon gong. Som alle kontorstolane produserast den i ein rekke variantar til ulik bruk.
Publikasjonar
Opsvik gav ut i 2008 boka «Rethinking sitting». Boka gir ei innføring i hans designfilosofi. Det blir mellom anna gjort gjennom å vise eksempel frå Opsvik sine eigne bilete og illustrasjonar. Boka er publisert på engelsk og tysk av Gaidaros Forlag, seinare av Norton og i 2009 vart den utgjeve på japansk av Sunchoh Shuppan.
Jazzmusikaren
Opsvik er også kjend som saksofonist og klarinettist. Han har vore med i Christiania Jazzband sidan 1972 og Christiania 12 sidan 1973. I 1973 mottok Opsvik Spellemannsprisen. I Sykkylven stiller han opp når Blue Horn samlast for å spele i lag. I 1999 ga han ut plata Woodwork (NorCD), der han speler fri-jazz og samtidsmusikk. Peter Opsviks son, Eivind Opsvik, er også jazzmusikar.
Bedrift
Opsvik debuterte på Statens Haustutstilling i 1967. Totem er eit av produkta «Cylindra objects».
Peter Opsvik AS er eit familieeigd selskap med hovudvirke i Oslo. Designkontoret Peter Opsvik AS består av Peter Opsvik og ein handfull kollegaer. Deira kjernekompetanse er møbeldesign, interiørdesign, ergonomi, miljøorienterte løysingar og kommunikasjon. Kontoret jobbar både sjølvstendig og i nært samarbeid med dei store produsentane, som HÅG,Stokke og Varier Furniture.
Prisar og utmerkingar
- Gullmedalje, Exempla 1971, München
- Nor-In prisen, 1981
- Årets møbel, Norge, 1983. Balans Wing
- Nor-In prisen, 1985. Cylindra kubbestol og bord
- Innovasjonsprisen, Norge, 1986. Garden
- Jacob-prisen, Norge 1986. Balans stoler
- Årets Møbel, Norge, 1989. Balans Oposit
- Klassikerprisen, Norge, 1996. Tripp Trapp
- Søderbergsprisen, Sverige, 2000. For banebrytende, bevegelige og variable møbler
- Klassikerprisen, Norge, 2001. Håg Capisco sadelstolen
- Klassikerprisen, Norge, 2003. Håg Balans Vital
- Nominert til INDEX:Award, 2005, HÅG Swing
- Anders Jahres kulturpris, Norge, 2008
- IF Produktdesign, 2010, Håg Capisco Puls
- Red Dot, 2010, Håg Capisco Puls
- Jacob-prisen, Norge, 2012
- Red Dot, Best of Best, 2014, Nomi barnestol. Opsvik har også delteke på ei rekke utstillingar i inn- og utland.
Les meir i Store norske leksikon